Hinn 10 ára gamli Archie Yates mun feta í fótspor barnastjörnunnar Macaulay Culkin í endurgerð jólamyndarinnar frægu Home Alone.
Tilkynnt var um nokkra leikara sem munu fara með hlutverk í endurgerð Disney+ á kvikmyndunum vinsælu, Home Alone.
Ellie Kemper og Rob Delaney munu fara með hlutverk foreldra Yates. Yates mun ekki heita saman nafni og Culkin í upprunalegu myndunum, Kevin McAllister, heldur fær hann nýtt nafn.
Myndin mun, samkvæmt The Hollywood Reporter, fjalla um hjón, Kemper og Delaney, sem í tilraun sinni til að bjarga heimili sínu fara í stríð gegn barni sem hefur stolið dýrmætum erfðagrip.
Þetta er annað stóra hlutverkið sem hinn ungi Yates fær á ævinni, en hann naut mikillar hylli eftir hlutverk sitt í kvikmyndinni Jojo Rabbit.
Kvikmyndin er væntanleg á næsta ári.