Harry og Meghan aftur til starfa í dag
Setja bókamerki
Harry Bretaprins og eiginkona hans Meghan hertogaynja af Sussex tóku aftur til starfa í dag eftir sex vikna hlé frá opinberum störfum.
Hjónin heimsóttu kanadíska sendiráðið í London til að þakka fyrir góðar móttökur í Kanada. Fjölskyldan eyddi jólahátíðunum í Kanada og sást meðal annars á göngu á Vancouver-eyju.
Í tilkynningu frá Buckingham-höll í dag segir að hjónin hafi viljað hitta sendiherra Kanada í Bretlandi, Janice Charette, til þess að þakka fyrir hlýjar móttökur og stuðning sem þau hlutu meðan á dvöl þeirra stóð.
Samkvæmt breskum fjölmiðlum virtust hjónin hafa hlaðið batteríin í sex vikna fríi sínu og voru mætt aftur til starfa með bros á vör.
Ættmóðirin Elísabet önnur Bretadrottning er ekki komin aftur til starfa eftir jólafríið. Hún er enn á sveitasetri sínu í Sandringham og verður fram yfir 6. febrúar. Það er hefð hjá drottningunni að dvelja í Sandringham fram yfir dánardag föður síns, 6. febrúar. Hann lést árið 1952 í Sandringham og tók Elísabet við krúnunni þann dag þótt krýningin hafi ekki farið fram fyrr en 2. júní ári seinna.
Skaut sex sinnum að feðginum á aðfangadagskvöld
Banna mengandi búnað sem leyfður er á Íslandi
Norskur lögreglumaður dæmdur
„Höfum ekki náð að skríða upp úr þeirri gryfju“
/frimg/1/48/74/1487454.jpg)
Heldur inn í nóttina tuttugu kílóum léttari
Strand skemmtiferðaskips kallar á erlenda aðstoð
Gígbarmurinn hækkað frá því í gær