Leikkonan Kate Beckinsale fagnaði því þegar kvikmyndaframleiðandinn Harvey Weinstein var dæmdur í 23 ára fangelsi í gær. Hún rifjaði upp samskipti þeirra í kjölfar þess að hún mætti í buxnadragt á frumsýningu myndarinnar Serendipity í New York árið 2001. 

Með pistlinum á Instagram birti Beckinsale mynd af sér frá frumsýningunni í hvítri dragt. Segir hún að aðstandendur myndarinnar hafi ekki verið spenntir fyrir hátíðlegri frumsýningu nokkrum vikum eftir 11. september. Weinstein fékk þó sínu framgengt og einhvern veginn komust þau í gegnum frumsýninguna. 

Frétt af mbl.is

Weinstein dæmdur í 23 ára fangelsi

Daginn eftir frumsýninguna hringdi Weinstein í hana og bað hana að koma í heimsókn með dóttur sína sem var að verða tveggja ára. Að sögn Beckinsale vildi hann leyfa dóttur hennar að leika við dóttur sína sem var á svipuðum aldri. Þegar Beckinsale var mætt með dótturina fór barnfóstra með börnin og Weinstein hóf að öskra á leikkonuna.

„Heimska kuntan þín, kuntan þín, þú eyðilagðir frumsýninguna mína,“ segir Beckinsale að Weinstein hefði öskrað á sig um leið og dyrnar lokuðust á eftir barnfóstrunni og börnunum. Sjálf vissi hún ekki um hvað hann var að tala og byrjaði að skjálfa. 

„Ef ég legg rauðan dregil fyrir þig þá ferð þú í þröngan kjól, þú hristir rassinn, þú hristir brjóstin. Þú ferð ekki á dregilinn og lítur út eins og lesbía, heimska kunta,“ segir hún Weinstein hafa öskrað á sig og fór Beckinsale í kjölfarið að gráta. 

Beckinsale segist hafa reynt að útskýra að enginn hefði viljað líta út eins og í piparsveinaveislu þegar fólk væri enn að leita að fólki á lífi. Weinstein var sama um það. „Mér er sama, þetta er mín andskotans frumsýning og ef ég vil kellingu þá fæ ég hana,“ segir Beckinsale Weinstein hafa sagt.

Leikkonan forðaði sér heim eins fljótt og hún gat en segir þetta því miður bara eitt slæmt atvik af mörgum í samskiptum sínum við Weinstein. Segir hún atvikin ekki hafa verið glæpsamleg en hún hafði fengið að finna fyrir því þegar hún sagði nei við hann. 

Hún fagnar að lokum dómnum fyrir hönd þeirra sem hann beitti kynferðislegu ofbeldi. Hún lýsir Weinstein að lokum sem yfirgangssegg og að andlegu ofbeldi eins og hann beitti verði að linna.

Tengdar fréttir

Kynferðisbrot í Hollywood

Ný ákæra á hendur Weinstein

• Weinstein fluttur í skyndi á sjúkrahús
• Sakar Vin Diesel um kynferðisbrot á hóteli
• Höfðar mál gegn Weinstein og Disney
• Kanna ásakanir á hendur Russell Brand

» Fleiri tengdar fréttir

• Blogga um frétt