Hinn 21 árs gamli Brooklyn Beckham, elsti sonur Davids og Victoriu Beckham, er trúlofaður leikkonunni Nicoly Peltz. Beckham tilkynnti trúlofunina um helgina.
„Ég bað sálufélaga minn að giftast mér fyrir tveimur vikum og hún sagði já. Ég er heppnasti maður í heimi. Ég lofa að verða besti eiginmaðurinn og besti faðirinn einn daginn,“ skrifaði hinn ungi Beckham á Instagram.
Beckham og Peltz opinberuðu samband sitt síðastliðinn janúar þegar Beckham óskaði kærustunni til hamingju með 25 ára afmælið.
Beckham var áður í sambandi með fyrirsætunni Hönu Cross en þau hættu saman í september síðastliðnum. Hann var einnig í sambandi með leikkonunni Chloe Graze Moretz frá 2014 til 2018.