Tónlistarmaðurinn Jakob Frímann Magnússon var sæmdur heiðursmerki STEFs á fundi fulltrúaráðs STEFs um liðna helgi.
Jakob hefur um árabil gegnt trúnaðar- og forystustörfum fyrir STEF og fullyrða má að fáir, ef nokkur, hafi í seinni tíð unnið jafn ötult og óeigingjarnt starf fyrir tón- og textahöfunda. Fyrir atbeina og eftirfylgni Jakobs hafa fjölmörg framfaramál náðst í höfn og standa höfundar í þakkarskuld við þennan eljusama fram- og bakvörð tónlistarlífs í landinu.