Fagna 73 ára brúðkaupsafmæli í dag
Setja bókamerki
Elísabet Bretadrottning og Filippus prins fagna í dag, 20. nóvember, 73 ára brúðkaupsafmæli. Gera má ráð fyrir að lítið verði um hátíðarhöld í ár vegna kórónuveirunnar og aldurs hjónanna. Drottningin er orðin 94 ára og eiginmaður hennar 99 ára.
Buckingham-höll sendi frá sér mynd í tilefni dagsins. Á myndinni má sjá gömlu hjónin skoða kort sem barnabarnabörnin Georg, Karlotta og Lúðvík sendu þeim í tilefni dagsins. Myndin var tekin í Windsor-kastala hinn 17. nóvember.
Hjónin gengu í hjónaband í Westminster Abbey 20. nóvember 1947, aðeins tveimur árum eftir lok seinni heimsstyrjaldarinnar. Mikill fjöldi fólks fagnaði deginum með þeim á þeim tíma en konungborið fólk alls staðar að úr heiminum kom til London til að taka þátt í veisluhöldunum.
Fjölmargir hafa óskað hjónunum til hamingju með brúðkaupsafmælið. Vilhjálmur Bretaprins og Katrín hertogaynja óskuðu hjónunum til hamingju með afmælið á samfélagsmiðlum.
Vangaveltur gengu lengra en innistæða var fyrir
Erlendir fangar sendir til útlanda?
Segja 20 liðsmenn Hisbollah látna
Eina leiðin var að fella björninn
Algeng laun 1,4 til 2,2 milljónir
Mikilvægt að úrræði séu endurskoðuð
Átta til tólf erlendir glæpahópar
„Hví erum við dýrasta land í heimi?“