Fyrrverandi unnusti Demi Lovato, Max Ehrich, er kominn með nýja kærustu tveimur mánuðum eftir að hann og Lovato slitu trúlofun sinni.
Ehrich sást á ströndinni í Miami í Bandaríkjunum með söngkonunni Mariuh Angeliq. Parið sást rölta við ströndina og setjast svo í sandinn.
Þetta er ekki í fyrsta skipti sem þau Ehrich og Angeliq sjást saman en þau sáust kyssast og taka myndir af sér á ströndinni í Miami fyrr í þessum mánuði.
Ehrich og Lovato áttu í stuttu sambandi en þau trúlofuðu sig í júlí síðastliðnum eftir 4 mánaða samband. Þau slitu trúlofun sinni í september.