Lögmannsstofan Endelson sakar raunveruleikastjörnuna Eriku Jayne og lögmanninn Tom Girardi um að hafa sótt um skilnað til þess að fela pappírsslóð sína í fjársvikamáli. Jayne sótti um skilnað við Girardi fyrir um mánuði en þau höfðu verið gift í 21 ár.
Lögmannsstofan lagði fram kæru í héraðsdómi í Illinois í vikunni þess efnis að raunveruleikastjarnan og lögmaðurinn hefðu dregið sér háar fjárhæðir í tryggingamáli. Endelson leggur fram kæruna fyrir hönd skjólstæðinga sinna, fjölskyldna þeirra sem létust í Lion Air-fluginu árið 2018.
Í málsgögnunum, sem People hefur undir höndum, segir Endelson að þau hafi stolið tryggingafénu og notað það til að fjármagna glæsilegan lífsstíl sinn.
Lögmannsstofa Girardis, Girardi & Keese, er einnig í pappírunum og segir Endelson stofuna á barmi gjaldþrots.