Tónlistarkonan FKA Twigs kærði leikarann Shia LaBeouf á dögunum fyrir kynferðislegt, líkamlegt og andlegt ofbeldi. Stjörnurnar áttu í ástarsambandi á árunum 2018 og 2019. Eftir að kæra FKA Twigs komst í fréttir steig tónlistarkonan Sia fram á twitter og sagði leikarann hafa farið illa með sig.
„Shia LaBeouf meiðir konur,“ segir í kærunni sem Variety hefur undir höndum. „Hann notar þær, hann misnotar þær, bæði líkamlega og andlega. Hann er hættulegur.“
Í twitterfærslu segir Sia að LaBeouf hafi líka sært sig andlega og leikarinn sé með lygasýki. Tónlistarkonan segir að hann hafi logið að henni, sagt henni að hann væri einhleypur, með það að markmiði að halda fram hjá með henni. Hún útskýrði framhjáhaldið ekki frekar.
„Ég trúi að hann sé mjög veikur og hef samúð með honum OG fórnarlömbum hans,“ tísti Sia.
I too have been hurt emotionally by Shia, a pathological liar, who conned me into an adulterous relationship claiming to be single. I believe he's very sick and have compassion for him AND his victims. Just know, if you love yourself- stay safe, stay away. https://t.co/2NNEj9w8b1
— sia (@Sia) December 13, 2020