Bandaríska söngkonan Demi Lovato hefur tjáð sig í fyrsta sinn um of stóran skammt sem hún tók árið 2018. Í nýrri heimildarmynd kemur fram að hún var aðeins örfáum mínútum frá dauðanum.
Hún hafði fram að því verið allsgáð í sex ár eftir að hafa farið í meðferð við áfengis- og eiturlyfjafíkn, að því er BBC greindi frá.
Í stiklu fyrir heimildarmyndina á YouTube, Dancing With The Devil, tjáði hún sig um það sem gerðist. „Ég fékk þrjú heilablóðföll. Ég fékk hjartaáfall. Læknarnir mínir sögðu að ég hefði átt fimm til tíu mínútur í viðbót,“ sagði hún.
Í viðtali við AP bætti hún við að þessi of stóri skammtur hefði orðið til þess að hún hlaut heilaskaða. „Ég glími enn við eftirköstin í dag.“
I've been holding #DemiDWTD incredibly close to my heart, and now it's time to share an inside look. This is only a short preview of what is to come... Join me on March 23 for the premiere on @YouTube 💗https://t.co/G0dIbHoHWu
— Demi Lovato (@ddlovato) February 17, 2021