Enn fellur Ísland

Daði og gagnamagnið.
Daði og gagnamagnið. mbl.is/Eggert Jóhannesson

Ísland situr nú í 9. sæti í á veðmálasíðunni Oddschecker fyrir Eurovision-söngvakeppnina sem fer fram í Rotterdam í maí. Daði og Gagnamagnið frumfluttu lag sitt, 10 Years, í gær en laginu var lekið á netið í vikunni sem leið.

Íslandi var lengi vel spáð sigrinum í Eurovision en eftir að lagið var afhjúpað hefur Ísland hríðfallið í veðbönkum. Eftir lekann féll Ísland niður í 5. sæti og nú í það 9. 

Á vef Eurovision World eru Daði og Gagnamagnið í 4. sæti, en eftir lekann á laginu féllu þau úr 1. sæti niður í 3. sæti. Eftir formlegan frumflutning lagsins hafa þau því fallið niður um eitt sæti. 

Bæði Eurovision World og Oddschecker spá Sviss sigri í Eurovision.

Staðan í veðbönkum segir þó ekki alla söguna en laginu hefur verið vel tekið á samfélagsmiðlum og í athugasemdakerfinu við lagið á YouTube. Á rúmlega hálfum sólarhring hefur lagið verið spilað yfir 26 þúsund sinnum á YouTube. 

Daði og Gagnamagnið eiga sér marga aðdáendur úti í hinum stóra heimi en lag þeirra, Think About Things, naut mikilla vinsælda á síðasta ári þótt Eurovision hafi verið aflýst.

mbl.is

Bloggað um fréttina

Stjörnuspá »

Hrútur

Sign icon Þér finnst þú hafa verið aðkrepptur í nokkurn tíma og langar til þess að varpa af þér okinu. Reyndu að koma hugmyndum þínum á framfæri með sem skýrustum hætti.

Stjörnuspá »

Hrútur

Sign icon Þér finnst þú hafa verið aðkrepptur í nokkurn tíma og langar til þess að varpa af þér okinu. Reyndu að koma hugmyndum þínum á framfæri með sem skýrustum hætti.