Bassi Maraj ruglaði í Bjarna Ben.

Ein skærasta raunveruleikastjarna landsins Sigurjón Baltasar Vilhjálmsson, betur þekktur sem Bassi Maraj, lét Bjarna Benediktsson fjármálaráðherra fá það óþvegið á Twitter í gær. 

Bassi byrjaði að skrifa á Twitter að hann væri svo hugmyndaríkur að hann ætti að gera hugmyndir fyrir Sjálfstæðisflokkinn. Bjarni, formaður Sjálfstæðisflokksins, svaraði tístinu og sagði að allar hugmyndir væru vel þegnar. 

Þá svaraði Bassi: „Hér er hugmynd ... hvar er nýja stjórnaskráin? With ya dumb ass face you aint eating but i swear u got some bum ass taste !? Og hvernig væri að redda mér reikning í panama with your scammin ass allavegana nota peninginn sem þú ert að scama í að kaupa handa mer burkin“.

Bjarni hefur ekki svarað seinna tísti Bassa, en tístið hefur notið mikilla vinsælda hjá Íslendingum á Twitter. Þegar þetta er skrifað hafa 50 endurtíst færslunni, 40 birt hana og skrifað athugasemd við og 642 hafa smellt hjarta á tístið.

Bassi hefur skotist hratt upp á stjörnuhimininn undanfarin misseri en hann var í annarri seríu af raunveruleikaþáttunum Patrekur Jamie: Æði 2. Þá gaf Bassi nýverið út sitt fyrsta lag sem hefur slegið í gegn á streymisveitunni Spotify. 

Grínið hjá Bassa virðist þó ekki hafa verið alvarlegra en það að hann klippti saman mynd af sér og Bjarna á Esjunni og skrifaði „Lovers“ eða „Elskhugar“.

• Blogga um frétt