Streymisveitan YouTube hefur rift samstarfssamningi sínum við youtubestjörnuna James Charles. Charles viðurkenndi á dögunum að hann hefði í tvígang átt í samskiptum við 16 ára drengi og sent þeim kynferðisleg skilaboð.
Samstarf YouTube og Charles felur í sér að hann hagnast fjárhagslega á myndböndum á rás sinnni en Charles er talinn hafa hagnast um 20 milljónir á samstarfinu.
YouTube greindi ekki frá því hvort Charles fengi aftur samning.
YouTube notaði ákvæði um ábyrgð efnisframleiðanda til að rifta samningnum. „Ef við verðum vör við að framleiðandi skaði á einhvern hátt notendur okkar, samfélagið, starfsmenn eða umhverfið, á YouTube eða ekki, áskiljum við okkur rétt til að bregðast við til að vernda samfélagið,“ segir í ákvæðinu.
YouTube er annað fyrirtækið til að endurskoða samninga sína við Charles en snyrtivörufyrirtækið Morphe tilkynnti að það hefði rift samstarfi sínu við hann.
— Morphe (@MorpheBrushes) April 17, 2021