Fyrirsætan Chrissy Teigen segir vinkonu sína Kim Kardashian hafa reynt sitt besta til að bjarga hjónabandinu við Kanye West. Raunveruleikaþáttastjarnan Kardashian sótti um skilnað frá eiginmanni sínum, tónlistarmanninum Kanye West, í febrúar. 

Teigen var gestur í þætti Andys Cohens í vikunni þar sem áhorfendur spurðu hana út í samband hennar við hjónin. „Kim líður sæmilega. Ég veit að hún gaf allt sitt í þetta. Í hreinskilni sagt þá er mjög leiðinlegt að þetta gekk ekki upp af því ég hélt að þetta væri samband sem myndi vara að eilífu. Ég veit hún gerði sitt besta.“

Kanye West og Kim Kardashian eru að skilja. AFP

Teigen var einnig spurð út í samband eiginmanns síns, tónlistarmannsins Johns Legends, við Kanye West. „Ég get sagt að ég hef verið í betra sambandi við Kim en John við Kanye,“ sagði Teigen en bætti því þó við að það væri erfitt að vera í stöðugu sambandi við West. 

Tengdar fréttir

Kardashian

Yfir sig ástfangin á afmælisdaginn

• Hneykslaði brúðkaupsgesti með fatavali sínu
• Hefði farið á megrunarlyf
• Kris Jenner með æxli
• Fagnaði fertugsafmæli sínu með pompi og prakt

» Fleiri tengdar fréttir

• Blogga um frétt