Tónlistarmaðurinn Högni Egilsson bauð upp á sannkallaða veislu á Vagninum á Flateyri á þjóðhátíðardegi Íslendinga þegar hann var plötusnúður knæpunnar. Hann tryllti lýðinn með einstöku lagavali sem hitti beint í mark ef marka má Instastory hjá Vagninum.
Á staðnum voru þjóðþekktir einstaklingar eins og hinn handlagni Dóri DNA, rithöfundur og náttúruvíns-unnandi, Thelma Torfadóttir framleiðandi, Steinþór Helgi Arnsteinsson, veitingastjóri og spurningameistari, Lilja Jónsdóttir ljósmyndari og Björn Teitsson, upplýsingafulltrúi Krabbameinsfélags Íslands.