Lögregla í Los Angeles í Bandaríkjunum leitar nú að bresku leikkonunni Tönyu Fear. Vinir hennar og fjölskylda hafið vakið athygli á brotthvarfi hennar undir myllumerkinu #FindTanyaFear á samfélagsmiðlum.
Ekkert hefur spurst til Fear síðan á fimmtudag. Umboðsmaður hennar, ALex Cole, sagði í viðtali við ABC News í gær að það hefði verið í góðu lagi með hana þegar hann hitti hana fyrir viku.
Fear hefur farið með lítil hlutverk í fjölda þátta, til dæmis Doctor Who, Spotless, Endeavour, DCI Banks og Midsomer Murders.
„Henni hefur liðð vel síðan hún kom hingað, gengið vel í bransanum og þetta er aðeins byrjunin á hennar ferli. Við höfum áhyggjur af henni og vonum að þetta séu bara mistök og hún finnist,“ sagði Cole við ABC.
Fear er 31 árs gömul. Hún sást síðast í Trader Joe-verslun við Santa Moinca Boulevard.
This account is dedicated to finding our beloved Tanya Fear who went missing in the Hollywood Bowl area on 9th Sep 2021. Tanya has a distinct British accent, is 5ft4, weighs about 140lbs, brown eyes, black hair and her hair looks like the picture below. #FindTanyaFear pic.twitter.com/ntTrhaR1pv
— #FindTanyaFear (@FindTanyaFear) September 12, 2021