Frétti af skilnaði sínum og ástkonunni í fjölmiðlum

Hinn 65 ára gamli milljarðamæringur John Paulson sótti um skilnað frá eiginkonu sinni í september en þá var hann byrjaður með yngri konu. Jenny Paulson, eiginkona Paulsons, kom hins vegar af fjöllum og er sögð hafa lesið um eigin skilnað á vef Page Six rétt eins og aðrir Bandaríkjamenn.

„John sagði henni ekki frá því,“ sagði heimildarmaður Page Six. „Hún hafði ekki hugmynd um að hann hefði sótt um skilnað. Hún komst bara að því þegar Page Six greindi frá skilnaðinum, hún sá þetta ekki fyrir.“

Heimildarmaður sagði að jafnvel þótt þau væru að glíma við vandræði í hjónabandinu þá kæmi skilnaðurinn á óvart. Hún taldi þau vera að vinna í hjónabandinu. Eiginmaðurinn virðist hins vegar hafa verið á annarri skoðun og hreinlega gleymt að segja henni frá því að hann hafi sótt um skilnað við hana. 

Líðan Jenny Paulson batnaði ekki daginn eftir skilnaðarfréttina en þá birtist frétt um samband eiginmannsins við hina 33 ára gömlu Alinu de Armas. Heimildarmaður segir Jenny ekki hafa vitað af tilvist de Armas fyrr en hún las fréttina. Er milljarðamæringurinn sagður hafa niðurlægt eiginkonu sína með því að sækja um skilnað svona hratt og næla sér í kærustu í leiðinni.

Frétt af mbl.is

Með 32 árum yngri kærustu

John Paulson er gríðarlega ríkur og þekkt­ur á Wall Street og vakti það heims­at­hygli árið 2008 þegar hann spáði hruni fast­eigna­markaðar­ins í Banda­ríkj­un­um skömmu fyr­ir al­heimskrepp­una. Paul­son græddi í kjöl­farið millj­arða banda­ríkja­dala.

• Blogga um frétt