Rappsveitin Afkvæmi guðanna sendi frá sér nýtt lag á dögunum. Lagið ber nafnið Engan Asa og er af væntanlegri plötu þeirra, „Sögulok“, sem er væntanleg í lok árs. Sveitin er skipuð af röppurunum Elvari Gunnarssyni og Kristjáni Þór Matthíassyni.
Rapparinn Ágúst Bent er á laginu sem gestarappari en hann ættu flestir að þekkja úr sveitinni XXX Rottweiler hundar.
„Afkvæmi guðanna sýna að að vanda skemmtilegt flæði með hnyttinni textagerð,“ segir í tilkynningu frá Afkvæmi guðanna.
Hljómsveitin Afkvæmi guðanna var mjög virk í upphafi aldar og mætti segja að sveitin séu í hópi frumkvöðla íslenska rappsins ásamt áðurnefndum rottweilerhundum. Sveitin sneri aftur í fyrra eftir 18 ára pásu frá útgáfum með plötunni Arnarbakki.
Lagið á Spotify: