Systur fá aukaæfingu í dag vegna bilunar í gær
Sonja Sif Þórólfsdóttir skrifar frá Tórínó
Setja bókamerki
Systur fá eina aukaæfingu í PalaOlimpico höllinni í Tórínó í dag vegna bilunar í svokölluðum „in ear“ búnaði á dómararennslinu í gærkvöldi. Bilunin olli því að Systur heyrðu ekki hver í annarri á sviðinu.
Tvö rennsli voru í gær og gekk það fyrra vel. Á dómararennslinu í gærkvöldi gekk hins vegar allt á afturfótunum, in ear búnaðurinn bilaði og hljóðblöndunin í salnum var í ólagi svo áhorfendur heyrðu illa í söng Systra.
Dómararennslið er eitt það allra mikilvægasta fyrir utan undankvöldið sjálft því þá gefa dómarar annarra landa stigin sín. Mistökin í hljóðblönduninni heyrðust þó ekki í útsendingunni til dómara.
Í dag verður svo eitt rennsli áður en kemur að stóru stundinni. Keppnin hefst klukkan 19 í kvöld að íslenskum tíma og eru Systur númer 14 í röðinni.
Samantekt af dómararennslinu má sjá hér fyrir neðan.
Sýklalyfjaónæmi vaxandi vandamál
„Staðan er grafalvarleg“
„Við erum ekki hafin yfir gagnrýni“
/frimg/1/50/8/1500878.jpg)
Yazan verður ekki fluttur úr landi
/frimg/1/51/65/1516515.jpg)
Sigrún og Gestur forstjórar nýrra stofnana
„Hann skók húsið aðeins“