Lýtalæknirinn Lenny Hochstein hefur sótt um skilnað við eiginkonu sína, raunveruleikastjörnuna Lisu Hochstein. Lisa hefur verið eitt af andlitum raunveruleikaþáttanna Real Housewives of Miami undanfarin ár. Page Six greinir frá.
Hochstein-hjónin hafa verið gift í 12 ár og eiga tvö börn saman.
Hjónin gerðu með sér kaupmála áður en þau gengu í hjónaband árið 2009. Samkvæmt honum mun hann greiða henni framfærslueyri. Hann hefur óskað eftir því að þau deili forræði yfir börnum sínum og að þarfir barnanna verði hafðar í forgrunni.
Sonur þeirra Logan er sex ára en dóttir þeirra Elle er tveggja ára.