Milljarðar í kassann hjá Cruise

Stórleikarinn Tom Cruise brosir sennilega allan hringinn þessa dagana.
Stórleikarinn Tom Cruise brosir sennilega allan hringinn þessa dagana. AFP

Miðar seldust fyrir yfir 100 milljónir bandaríkjadala á kvikmyndina Top Gun: Maverick um helgina í Bandaríkjunum. Er þetta í fyrsta skipti sem kvikmynd sem skartar Tom Cruise í aðalhlutverki gengur svona vel á opnunarhelgi sinni í kvikmyndahúsum. 

Á fyrstu þremur sýningardögunum í kvikmyndahúsum í Bandaríkjunum seldust miðar fyrir um 124 milljónir bandaríkjadala, sem er vel á sextánda milljarð íslenskra króna. 

Í heiminum öllum seldust miðar fyrir um 248 milljónir bandaríkjadala, sem eru tæpir 32 milljarðar í krónum talið. 

„Þessar viðtökur eru fáránlega og bilaðslega magnaðar,“ sagði Chris Aronson, sem sér um dreifingu innan Bandaríkjanna fyrir Paramount Pictures. 

„Ég er svo glaður fyrir hönd allra. Ég samgleðst starfsmönnum fyrirtækisins, Tom og kvikmyndagerðarmönnunum,“ sagði Aronson. 

Stærsta kvikmynd Cruise til þessa skilaði hagnaði upp á 64 milljónir bandaríkjadala sína fyrstu helgi í kvikmyndahúsum. Það var kvikmyndin War of the Worlds, sem kom út árið 2005.

Top Gun: Maverick er önnur Top Gun kvikmynd Cruise, en fyrri myndin gerði garðinn frægan á 9. áratug síðustu aldar.

mbl.is
Fleira áhugavert

Stjörnuspá »

Hrútur

Sign icon Þótt þú sért skipulagður sjálfur geturðu ekki ætlast til að aðrir séu eins. Vandamálin geta vel verið fyrir hendi, þótt enginn sjá þau nema þú.
síðasta vika Vinsælustu hljóðbækurnar
1
Harry Whittaker og Lucinda Riley
2
Sólveig Pálsdóttir
3
Moa Herngren
4
Ragnar Jónasson
5
Jojo Moyes
Fleira áhugavert

Stjörnuspá »

Hrútur

Sign icon Þótt þú sért skipulagður sjálfur geturðu ekki ætlast til að aðrir séu eins. Vandamálin geta vel verið fyrir hendi, þótt enginn sjá þau nema þú.
síðasta vika Vinsælustu hljóðbækurnar
1
Harry Whittaker og Lucinda Riley
2
Sólveig Pálsdóttir
3
Moa Herngren
4
Ragnar Jónasson
5
Jojo Moyes