Blaðamaðurinn Eiríkur Jónsson greinir frá því á vefsíðu sinni að nafnarnir Ben Stiller og Ben Affleck, báðir stórleikarar í Hollywood, séu hér á Íslandi. Segir Eiríkur að Affleck hafi sést á Skólavörðustíg í Reykjavík með síma upp að eyranu og í grennd hafi verið bíll frá framleiðslufyrirtækinu True North. 

Eiríkur greinir einnig frá því að Affleck hafi sést í Flatey á Breiðafirði ásamt íslenska leikaranum Ólafi Darra Ólafssyni og hafi þeir kollegar setið að snæðingi á hóteli. 

Affleck og Stiller eru báðir miklir Íslandsvinir og komið hingað til lands í tökur. Stiller og Ólafur Darri léku saman í kvikmyndinni The Secret Life of Walter Mitty sem var að stórum hluta tekin upp hér. Affleck var svo hér við tökur á kvikmyndinni Justice League árið 2016.

Ekki er ljóst hvort unnusta Afflecks, leik- og söngkonan Jennifer Lopez hafi fylgt honum til landsins. 

Tengdar fréttir

Frægir á Íslandi

Dularfull TikTok-stjarna birtir myndbönd frá Íslandi

• Segja hringveginn vera fegurstu leið í Evrópu
• Urðu fyrir vonbrigðum með Bláa Lónið
• Íslandsheimsókn samfélagsmiðlastjörnu vekur athygli
• Þorgerður fékk „selfie“ með einni skærustu kántrístjörnu heims

» Fleiri tengdar fréttir

• Blogga um frétt