Brad William Henke, fyrrverandi ruðningskappi í NFL-deildinni og leikari, er látinn 56 ára að aldri. Henke var hvað þekktastur fyrir að fara með hlutverk í þáttunum Orange Is The New Black en hann lék einnig í þáttunum Justified og Lost og í kvikmyndunum Pacific Rim og World Trade Center. Deadline greinir frá.
Fjölskylda leikarans segir hann hafa látist í svefni á þiðjudagsnótt og hefur dánarorsök ekki fengist staðfest.
Henke náði frama í NFL-deildinni en þurfti að leggja skónna á hilluna vegna meiðsla árið 1994. Þá hélt hann til Los Angeles í þeirri von að láta drauminn um að verða leikari verða að veruleika.
Hann lætur eftir sig eiginkonu, tvö stjúpbörn, móður og systur.