Guðmundur Felix Grétarsson þurfti að fara í aðra aðgerð vegna sýkingar sem myndast hefur í handlegg hans. Frá þessu greinir hann í myndskeiði á Facebook. 

Tveir hand­legg­ir voru grædd­ir á Guðmund Fel­ix fyr­ir rúm­lega tveim­ur árum síðan.

Á fimmtu­dag­ greindi hann frá því að höfnunareinkenni væru far­in að gera vart við sig. Voru ein­kenn­in meðhöndluð með marg­föld­um skammti af ster­um en mögu­legt er að Guðmund­ur missi hand­legg­ina. 

Frétt af mbl.is

Pítsa í verðlaun eftir 36 tíma föstu

Fór að fá hita

Vegna sýk­ing­ar og bólgu í oln­boga fór hann í aðgerð á laugardagskvöld til þess að losa um vökva sem þar hafði mynd­ast svo að sýkla­lyf kæm­ust óhindruð um hand­legg­inn.

Í gærkvöldi kom læknirinn svo og skipti um umbúðir og hreinsaði sárin en sama kvöld fór Guðmundur Felix að fá hita þrátt fyrir að vera á sýklalyfjum.

„Í morgun var ákveðið að ég skyldi fara í aðra aðgerð, handleggurinn var opnaður hærra uppi og skurðurinn er opinn frá öxl að hendi. Svæðið var þrifið og þvegið. Ég er enn á sýklalyfjum og nú þurfum við bara að bíða og sjá. Ég er ekki með hita og mér líður ágætlega. Handleggurinn er enn bólginn en það er ekki jafn sársaukafullt. Við munum vita hvernig þetta fer á næstu dögum,“ segir Guðmundur Felix.

Frétt af mbl.is

Sársaukinn óbærilegur og olnboginn þrefaldast

Þakklátur en getur varla notað fingurna

Hann sé þakklátur fyrir allan stuðninginn en hann geti því miður ekki svarað skilaboðum þar sem hann sé ekki í ástandi til þess. Hann geti varla notað fingurna.

„Takk fyrir allan stuðninginn sem þið hafið sýnt mér. Ég mun halda ykkur upplýstum á komandi dögum um hvernig þetta fer,“ sagði Guðmundur Felix að lokum.

Tengdar fréttir

Guðmundur Felix fær nýja handleggi

Skurðurinn gróinn en missti neglurnar

• „Ég er orðinn helvíti þreyttur“
• Kominn heim af sjúkrahúsinu
• Sannfærður um að allt sé eins og það eigi að vera
• Dansa af gleði eftir góðar fréttir

» Fleiri tengdar fréttir

• Blogga um frétt