Raunveruleikastjarnan Kyle Richards er skilin við eiginmann sinn, Mauricio Umansky, eftir 27 ára hjónaband. Aðdáendur höfðu þó tekið eftir því að Richards, sem er ein af húsmæðrunum í raunveruleikaþættinum Real Housewives of Beverly Hills, hafði ekki sést á samfélagsmiðlum Umansky í nokkra mánuði og höfðu því velt því fyrir sér hvort skilnaðurinn hafi átt sér stað fyrir löngu.

Aðdáendur þáttanna um húsmæðurnar í Beverly Hills muna eflaust flestir eftir matarboði sem kom fram í fyrstu þáttaröðinni árið 2010, þar sem miðillinn Allison Dubois svo eftirminnilega spáði fyrir um skilnaðinn. Núna þrettán árum seinna hefur spáin ræst. Eftir að skilnaðurinn var staðfestur deildi miðillinn Allison Dubois færslu á Instagram-síðu sinni þar sem hún sagðist hafa vitað þetta allan tímann. Dubois hlaut mikla gagnrýni þegar þátturinn fór upprunalega í loftið en segir að með skilnaðinum fá hún nú uppreisn æru, þrátt fyrir að þrettán ár séu liðin.

Matarboð frá helvíti

Í matarboðinu fyrir þrettán árum spurði Dubois Richards spjörunum úr varðandi hjónaband þeirra síðarnefndu og sagði að eiginmaður Richards myndi aldrei ná að fullnægja tilfinningalegum þörfum hennar og að sambandið væri í raun dauðadæmt. Matarboð þetta vakti mikla athygli, þá sérstaklega fyrir framkomu Dubois, og var það kallað matarboð frá helvíti eftir að þátturinn fór í loftið.

Hér má sjá brotið úr þættinum þegar Dubois spáir fyrir um skilnaðinn.

Tengdar fréttir

Skilnaður

Þjáðist í hljóði á eigin heimili

• Streep og Gummer skilin að skiptum
• Smith segir hjónabandinu lokið
• Leyfði eiginkonunni að halda fram hjá vegna aldurbilsins
• Kemur í veg fyrir ágreining við sambúðarslit með ákveðnu fyrirkomulagi

» Fleiri tengdar fréttir

Raunveruleikaþættir

Skilnaðurinn eyðilagði metið

• Þetta eru vinsælustu Love Island-stjörnurnar
• Leiddur á brott í handjárnum, berfættur og á baðsloppnum
• „Það er með sorg í hjarta að ég tilkynni að systir mín lést skyndilega í gær“
• Hvaða Love is Blind-pör eru enn saman?

» Fleiri tengdar fréttir

• Blogga um frétt