Hvaða Love is Blind-pör eru enn saman?
Setja bókamerki
Tengdar fréttir
Ást
Á dögunum var lokaþáttur sjöttu þáttaraðar raunveruleikaseríunnar Love is Blind sýndur á Netflix með tilheyrandi dramatík. Þættirnir hafa notið gífurlegra vinsælda og vakið athygli margra, en markmiðið með þættinum er að hjálpa fólki að finna hina einu sönnu ást út frá persónuleika en ekki útliti.
Þó velgengni í stefnumótaþáttum sé í besta falli lítil eru nokkur pör úr Love is Blind-þáttunum sem eru enn saman í dag.
Lauren Speed-Hamilton og Cameron Hamilton
Hamilton-hjónin tóku þátt í fyrstu þáttaröð Love is Blind og eru enn gift í dag, en þau gengu í hjónaband þann 16. nóvember 2018 og héldu því upp á fimm ára brúðkaupsafmæli í nóvember 2023.
Amber Pike og Matt Barnett
Amber Pike og Matt Barnett tóku einnig þátt í fyrstu þáttaröð Love is Blind og eru enn gift, en líkt og Hamilton-hjónin héldu þau upp á fimm ára brúðkaupsafmæli í nóvember síðastliðnum.
Brennon Lemieux og Alexa Lemieux
Lemieux-hjónin kynntust í þriðju þáttaröð Love is Blind þar sem þau urðu yfir sig ástfangin og eru það enn í dag. Þau fögnuðu tveggja ára brúðkaupsafmæli í júlí 2023, en í janúar síðastliðnum sögðu þau frá því að þau ættu von á sínu fyrsta barni.
Matt Bolton og Colleen Reed
Líkt og Lemieux-hjónin kynntust Matt Bolton og Collen Reed í þriðju þáttaröð Love is Blind og giftu sig í júní 2021. Þau eru enn gift í dag og fluttu inn saman í júní 2023, en fyrir það höfðu þau búið á sitthvorum staðnum.
Tiffany Pennywell Brown og Brett Brown
Brown-hjónin voru þátttakendur í fjórðu þáttaröð Love is Blind og giftu sig í maí 2022. Það styttist því í að þau fagni tveggja ára brúðkaupsafmæli.
Chelsea Griffin Appiah og Kwame Appiah
Appiah-hjónin kynntust einnig í fjórðu þáttaröð Love is Blind og giftu sig í maí 2022 þrátt fyrir að móðir Kwame hafi ekki samþykkt hjónabandið til að byrja með. Þau eru enn saman í dag.
Bliss Poureetezadi-Goytowski og Zack Goytowski
Goytowski-hjónin tóku líka þátt í fjórðu þáttaröð Love is Blind, en vegferð þeirra er þó ólík vegferð annarra para þar sem þau trúlofuðust ekki eins og flest pör gera í þættinum. Í fyrstu bað Zack Irinu Solomonova en þau hættu fljótt saman. Í kjölfarið hittust Zack og Bliss og urðu ástfangin, en í dag eru þau gift og eiga von á sínu fyrsta barni saman.
Milton Johnson og Lydia Velez Gonzalez
Milton Johnson og Lydia Velez Gonzalez kynntust í fimmtu þáttaröð Love is Blind. Þótt aldursmunurinn hafi í fyrstu valdið Lydiu áhyggjum gengu þau í það heilaga í júní 2022. Þau eru enn gift en búa þó á sitthvorum staðnum vegna vinnu.
Amy Cortés og Johnny McIntyre
Amy Cortés og Johnny McIntyre eru nýjustu Love is Blind-hjónin, en þau fundu ástina í sjöttu þáttaröð Love is Blind. Þau voru jafnframt eina parið í nýjustu þáttaröðinni þar sem báðir aðilar sögðu „já“ við altarið.
Tengdar fréttir
Ást
/frimg/1/29/32/1293273.jpg)
Ekki af baki dottinn og ætlar að opna B5 aftur
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður
Hvorki sést áður hér á landi né annars staðar
Bergnuminn í Hvalfirði
Gígbarmurinn hækkað frá því í gær
Strand skemmtiferðaskips kallar á erlenda aðstoð