Seldist upp á tónleika Laufeyjar á örskotsstundu
Setja bókamerki
Uppselt er á tvenna tónleika Laufeyjar í Hörpu í mars. Miðasala á aukatónleikana hófst í morgun og seldust þeir upp á örskotsstundu, en um 1600 sæti voru í boði á hvora tónleika. Laufey heldur af stað í tónleikaferðalag um Evrópu á nýju ári til að kynna nýútgefna plötu hennar, Bewitched.
Tónlistarkonan, 24 ára, skaust upp á stjörnuhimininn árið 2020 og hefur frægðarsól hennar risið síðan jafnt og þétt. Hin íslensk-kínverska listakona ólst upp við að spila á selló og píanó og fann innblástur í gegnum tónlist og rödd Ellu Fitzgerald eftir að hafa gramsað í plötusafni föður síns.
Árið 2020, á meðan hún var enn nemandi við hinn virta Berklee College of Music, gaf Laufey út sína fyrstu smáskífu, Street by Street, sem náði á topp íslenska vinsældalistans. Verk hennar hafa verið flutt víða um heim og hefur hún hlotið ýmsar viðurkenningar, en árið 2022 var Laufey mest streymdi djasslistamaður á Spotify, með 425 milljónir streyma.
„Bíð bara eftir að það fari að gjósa aftur“
„Dómurinn hefur ríkt fordæmisgildi“
Vænta þess að um tímabundið ástand sé að ræða
Ástand Ficos stöðugt en „mjög alvarlegt“
Skoða að taka upp gjaldskyldu á notkun nagladekkja
Segir forseta þingsins segja ósatt frá fundinum