Dularfullur karakter vakti mikla undrun þegar hann mætti á rauða dregil Emmy-verðlaunanna sem fóru fram í Los Angeles í gærdag. Sumir hræddust hið hálfgerða sambland manns, nornar og skrímslis, en fólk komst þó fljótt að því hver væri undir grímunni og grænu málningunni.
Raunveruleikastjarnan Princess Poppy, sem var meðal þátttakenda í 15. seríu RuPaul's Drag Race, var sú sem stal senunni á rauða dreglinum í ár þakin grænu, bókstaflega frá toppi til táar.
Innblásturinn sótti dragdrottningin meðal annars til þekktra kvikmyndakaraktera á við Jabba the Hutt úr Star Wars og Roz úr Monsters Inc.
„Ég vildi fara í andstæða átt,“ sagði Princess Poppy við Entertainment Weekly.