Óskarsverðlaunin eru nýafstaðin og eru flestir sammála um að söngatriði Ryan Gosling hafi verið hápunktur hátíðarinnar. Kanadíski leikarinn flutti lagið I’m Just Ken úr kvikmyndinni Barbie og sló algjörlega í gegn, bæði hjá gestum og þeim sem heima sátu.

Þegar Gosling lauk flutningi sínum varð allt vitlaust á samfélagsmiðlum, en netverjar kepptust við að hrósa leikaranum og öllum sem áttu þátt í að skapa þetta eftirminnilega atriði.

Var Gosling að heiðra minningu Marilyn Monroe?

Margir netverjar hafa líkt atriðinu við eina frægustu kvikmyndasenu allra tíma, dans- og söngatriði hinnar goðsagnakenndu Marilyn Monroe, Diamonds Are A Girl’s Best Friend, úr kvikmyndinni Gentlemen Prefer Blondes frá árinu 1953.

Fjölmargir hafa bent á líkindi atriðanna. Gosling klæddist demantsskreyttum Barbie-bleikum jakkafötum og var með bleika hanska á höndunum, alls ekki ólíkt því sem leikkonan klæddist.

Monroe, sem lést árið 1962, klæddist bleikum síðkjól í söng- og dansatriðinu og var einnig með bleika hanska og skreytt glitrandi demöntum.

Dansararnir sem dönsuðu við hlið Gosling virðast klæddir í föt sem vísa til hinnar 71 árs gömlu kvikmyndasenu, en allir eru þeir klæddir dökkum jakkafötum, vestum og með ljósar slaufur og bleika borða. 

Frétt af mbl.is

Gosling sló í gegn ásamt óvæntum leynigesti

Tengdar fréttir

Óskarsverðlaunin

Sýna ógnvekjandi hversdagsleika nasista

• Stórstjörnurnar mættu með eins fylgihlut
• Mættu í Óskarspartí þremur mánuðum eftir skilnaðarfréttir
• Huldi það allra heilagasta með umslagi
• Fallegasti kjóllinn á Óskarnum var gömul hönnun

» Fleiri tengdar fréttir

Poppkúltúr

Skilnaðurinn eyðilagði metið

• Pierce Brosnan nær óþekkjanlegur
• Ber sama nafn og vinsælasta poppstjarna í heimi
• Laufey fagnar 25 ára afmæli
• Kryddpían Mel B átti í fimm ára sambandi við konu

» Fleiri tengdar fréttir

• Blogga um frétt