Ekki er víst að svo stöddu hvort hraun hafi flætt yfir skarðið í Eystri-Meradölum í nótt en Ármann Höskuldsson eldfjallafræðingur sagði í samtali við mbl.is. í gær að hraunið væri að verða komið yfir skarðið.
Náttúruvársérfræðingur á vakt hjá Veðurstofu Íslands segir að ekki sé mikið að frétta af gosinu í Meradölum frá því í gærkvöldi.
Af vefmyndavélunum sem Veðurstofan fylgist með var ekki hægt að sjá hvort hraun hafi flætt yfir skarðið í nótt.
Um fjórir kílómetrar eru frá skarðinu að Suðurstrandarvegi.