Kanadíski fjölmiðlamaðurinn Keith Morrison, stjúpfaðir leikarans Matthew Perry, tjáði sig í fyrsta skipti um andlát leikarans í hlaðvarpsþætti Hodu Kotb, Making Space, á miðvikudag.

Í þættinum ræddi hann meðal annars um andlát stjúpsonar síns, aðdraganda þess og eftirmála. Perry fannst látinn á heimili sínu þann 28. október síðastliðinn. Hann var 54 ára gamall.

Frétt af mbl.is

Matthew Perry látinn

Morrison, sem kvæntist móður leikarans, Suzanne Perry, árið 1981, sagði það eilífðarverkefni að læra að lifa með sorginni. „Þetta fylgir þér alla ævi,” sagði hinn 76 ára gamli fjölmiðlamaður. 

Morrison, sem margir þekkja úr fréttaskýringaþættinum Dateline, sagði einnig það hafa komið sér á óvart hvað andlátið sjokkeraði marga víðsvegar um heiminn. Perry hafði glímt við alkóhólisma og fíkniefnavanda í mörg ár áður en hann lést.

Frétt af mbl.is

Greina frá dánarorsök Perry

Perry, sem frægastur er fyrir hlutverk sitt sem Chandler Bing í gamanþáttunum Friends, fannst látinn í heitum potti á heimili sínu í Los Angeles. Talið er að keta­mín sem fannst í líki ­Perry við krufn­ingu hafi átt mest­an þátt í and­láti hans.