Bandaríska leikkonan Alexa PenaVega, þekktust fyrir hlutverk sitt sem Carmen Cortez í kvikmyndinni Spy Kids, og eiginmaður hennar, leik- og söngvarinn Carlos PenaVega, eignuðust andvana barn, stúlkubarn, á dögunum. Hjónin greindu frá barnsmissinum á samfélagsmiðlum á mánudag.

Hjónin, sem fögnuðu tíu ára brúðkaupsafmæli sínu í byrjun árs, sögðu í nóvember frá því að þau ættu von á sínu fjórða barni saman. Fyrir eiga þau tvo syni og eina dóttur.

Hjónin birtu sameiginlega tilkynningu á Instagram og greindu frá því að dóttir þeirra, sem hlaut nafnið Indy Rex PenaVega, hafi umbreytt lífi þeirra á marga vegu.