Það var troðfullt Kringlubíó síðastliðinn fimmtudag þegar Síminn frumsýndi Skvíz, nýja íslenska þáttaröð sem kemur í heild sinni inn í Sjónvarp Símans Premium á miðvikudaginn. 

Þættirnir eru skrifaðir af þeim, Hlín Ágústdóttur, Silju Rós Ragnarsdóttur, Tönju Björk Ómarsdóttur og Ólöfu B. Torfadóttur en með leikstjórn fer Reynir Lyngdal. Þættirnir fjalla um þrjár ungar konur sem leigja saman í Reykjavík, með öllu því skrautlega sem getur gerst á því tímabili í lífi fólks. Handrit þáttanna er að stórum hluta byggt á raunsögum kvenna úr íslensku stefnumótalífi og því mörg brot úr þáttunum sem eiga sér stoð í raunveruleikanum.

Þáttaröðin er sú þriðja í röðinni sem kemur út frá Símanum á árinu en til viðbótar hófu heimildarmyndarþættirnir Íslensk sakamál göngu sína í síðastliðinni viku.