Trump: Líf eyðilögð með ásökunum
Setja bókamerki
Donald Trump Bandaríkjaforseti sagði í dag líf vera „eyðilögð“ með ásökunum sem kunni að vera falskar, eftir að tveir starfsmenn Hvíta hússins létu af störfum í kjölfar ásakana um heimilisofbeldi.
Hefur Hvíta húsið sætt mikilli gagnrýni fyrir að taka klaufalega á ásökununum, en mikil umræða hefur verið í Bandaríkjunum, líkt og víða annars staðar, undanfarið um kynferðislega áreitni og misnotkun og hvernig taka eigi á henni.
„Verið er að splundra og eyðileggja líf fólks með því sem er bara ásakanir,“ sagði Trump á Twitter í dag.
„Sumar eru sannar og aðrar eru falskar. Sumar eru gamlar og aðrar nýjar. Það er engin endurheimt fyrir þann sem er ranglega ásakaður – líf hans og ferill er horfinn. Er ekki lengur til réttlát málsmeðferð?“
Forsetinn sjálfur hefur ítrekað verið sakaður um kynferðislega áreitni, en hann hefur jafnan harðneitað þeim ásökunum.
Greint var frá því í fyrr í dag að David Sorensen, einn af ræðuhöfundum Trump, hefði sagt starfi sínu lausu vegna ásakana um heimilisofbeldi. Áður hafði Rob Porter, ráðgjafi forsetans, sagði starfi sínu lausu á fimmtudag vegna áskana um heimilisofbeldi.
Frambjóðendur skila inn listum í Hörpu
Væri að ljúga ef ég segðist ekki stressaður
Mál hjúkrunarfræðingsins fer aftur fyrir héraðsdóm
Strand skemmtiferðaskips kallar á erlenda aðstoð
Gígbarmurinn hækkað frá því í gær
/frimg/1/29/32/1293273.jpg)
Ekki af baki dottinn og ætlar að opna B5 aftur
Kaldasti veturinn kom að óvörum