Lést þegar pétanque-kúla sprakk

Pétanque er vinsælt kúluspil í Frakklandi.
Pétanque er vinsælt kúluspil í Frakklandi. AFP

Rúmlega þrítugur Frakki lést í gær eftir að járnkúla, sem er notuð við að spila pétanque, sprakk í útigrilli mannsins í bænum Boulou í Pyrénées-Orientales.

Samkvæmt fréttum franskra fjölmiðla hafði kúlan verið skilin eftir ofan í grillinu og þegar maðurinn kveikti í kolunum hitnaði kúlan svo mikið að hún sprakk.

Slysið átti sér stað þegar maðurinn var að grilla fyrir fjölskyldu sína í hádeginu í gær. Maðurinn lést þegar járnstykki úr kúlunni þeyttust í höfuð hans. Þrjú ung börn ásamt föður sínum og móður mannsins sem lést voru í garðinum þegar slysið varð en ekkert þeirra sakaði.

Slökkviliðsmenn segja í viðtali við France Info að þeir hefðu ekki haft hugmynd um að pétanque-kúlur gætu sprungið við mikinn hita. Ekki er vitað hvort kúlunni hafi verið komið fyrir í grillinu vísvitandi eða um óviljaverk hafi verið að ræða.

L'Indépendant

Paris Match

mbl.is
Bókhaldsþjónusta
Skattframtöl, bókhald, ársreikningar, vsk uppgjör & launauppgjör, stofnun félaga...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Einstakt verslunarhúsnæði í miðbænum
Um það vil 70 fermetra verslunarhúsnæði á besta stað í miðbæ Reykjavíkur, neðst ...