Vill lifa en heldur verkfallsaðgerðum áfram

Oleg Sentsov.
Oleg Sentsov. AFP

Úkraínski kvikmyndagerðarmaðurinn Oleg Sentsov, sem er í hungurverkfalli í rússnesku fangelsi, vill lifa en mun ekki hætta mótmælum sínum, þrátt fyrir að þau ógni heilsu hans. Þetta segir aðgerðasinni sem heimsótti Sentsov í fangelsið.

Sentsov var dæmd­ur í 20 ára fang­elsi í rúss­nesk­um her­rétti fyr­ir þrem­ur árum en hann var sak­felld­ur fyr­ir hryðju­verk­a­starf­semi. Hann var hand­tek­inn í Kænug­arði eft­ir að hafa tekið þátt í mót­mæl­um.

„Hann er ekki í sjálfsvígshugleiðingum en hann vill og vonast til að geta haldið lífinu áfram,“ sagði aðgerðasinninn og blaðamaðurinn Zoya Svetova en hún dvaldi með Sentsov í tvær klukkustundir í gær.

„Hann minnti mig á krabbameinssjúkling sem mun sigrast á meini sínu,“ bætti Svetova við í samtali við AFP-fréttastofuna.

Sentsov hef­ur verið í hung­ur­verk­falli síðan 14. maí og ætl­ar ekki að láta af verk­fallsaðgerðum nema all­ir úkraínsk­ir póli­tísk­ir fang­ar verði látn­ir laus­ir. Lög­fræðing­ur Sentsov sagði að skjól­stæðing­ur hans hefði misst 13 kíló síðan hung­ur­verk­fallið hófst og hann liti alls ekki vel út.

Yf­ir­menn fang­els­is­ins segj­ast munu þvinga mat ofan í Sentsov ef verk­fallið fer að ógna lífi hans.

mbl.is
Vetrardekk
Til sölu 4stk hálfslitin vetrardekk..205/55R16.. Verð kr 12000..Sími 8986048......
Til sölu Musso Sport pallbíll árg.2004
Tilboð óskast í bílinn - gangfær en óskoðaður. Upplýsingar: 5531049 Ólafur Heið...
Hauststemning í Biskupstungum...
Eigum laust sumarhús í okt/nóv. Hlý og kósí hús með heitum potti.. Besti vinur...
Sumarhús/Gesthús
Mjög vandað sumarhús/Gesthús til sölu, algjörlega viðhaldsfrítt, klætt með lerki...