Efna til samkeppni um hönnun turnspírunnar

Turnspíran brann til kaldra kola.
Turnspíran brann til kaldra kola. AFP

Frakkar ætla að bjóða arkitektum hvaðanæva að úr heiminum til að koma með tillögur að endurbyggingu turnspíru Notre Dame-dómkirkjunnar sem eyðilagðist í eldsvoðanum í fyrradag. Þetta segir forsætisráðherrann, Edouard Philippe.

Markmiðið með samkeppninni er að fá Notre Dame nýja turnspíru sem er aðlöguð að tækni og áskorunum okkar tíma,“ sagði Philippe í samtali við fréttamenn í dag. Í gær hét Emmanuel Macron forseti landsins því að kirkjan yrði endurbyggð „jafnvel enn fegurri en áður“ á innan við fimm árum.

Þúsundir ferðamanna og Parísarbúa horfðu angistarfullir á það á mánudag er eldurtungur umluku hina 850 ára gömlu kirkju. Fimmtán klukkustundir tók að slökkva eldinn að fullu og eru skemmdir á kirkjunni gríðarmiklar.

Fljótlega eftir að slökkviliðsmenn höfðu slökkt í síðustu glæðunum fóru vilyrði fyrir fjárgjöfum til endurbyggingarinnar að streyma inn. Á einum sólarhring höfðu 800 milljónir evra safnast, m.a. frá auðkýfingum og stórfyrirtækjum.

mbl.is

Bloggað um fréttina

STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
Lok á heita potta og hitaveituskeljar
Lok á heita potta og hitaveituskeljar. Stærðir í cm: 200x200, 210x210, 220x220, ...
Til sölu byggingarkrani
Byggingarkrani Liebherr 112 EC-H árg. 1992, með skoðun og í notkun. Áhugasamir h...
Arkitektar og verkfræðingar: Skrifstofuhúsnæði Bolholti 4 til leigu
Til leigu er 230 fermetra skrifstofurými í austurenda á 5. og efstu hæð Bolholts...