Úkraínsk stjórnvöld hafa hafið fangaskipti við rússneska aðskilnaðarsinna í austurhluta Úkraínu. Um er að ræða lið í vopnahléi í kjölfar fyrsta fundar Vla­dimirs Pútín Rúss­lands­for­seta og Volody­myr Zelen­sky, for­seta Úkraínu, í Par­ís 9. desember.

Frétt af mbl.is

Pútín sáttari en Zelensky

Fangaskiptin eru nokkuð umdeild, en mótmæli hafa brotist út í Úkraínu vegna þess að meðal fanga sem úkraínsk stjórnvöld láta af hendi eru óeirðarlögregluþjónar sem grunaðir eru um að hafa myrt tugi mótmælenda á meðan á uppreisn aðskilnaðarsinna stóð árið 2014. Saksóknari í Úkraínu hefur þó lýst því yfir að réttarhöld yfir þeim haldi áfram.

AFP

Að öðru leyti er ekki vitað hverjir eru í hópi þeirra fanga sem skipst er á, en samkvæmt fréttastofu AFP er um að ræða skipti á baráttumönnum, sem úkraínsk stjórnvöld láta af hendi, fyrir almenna borgara og ríkisstarfsmenn sem sumum hverjum hefur verið haldið árum saman á yfirráðasvæði aðskilnaðarsinna.

Samkvæmt upplýsingum aðskilnaðarsinna fá þeir afhenta 87 fanga frá stjórnvöldum í Kænugarði, sem fá í staðinn 55 fanga. Úkraínsk stjórnvöld eru sögð gjalda skiptin of dýru verði.

Skiptin sjálf fara fram í þorpinu Odradivka, sem er á yfirráðasvæði aðskilnaðarsinna.

Tengdar fréttir

Úkraína

Leggjast gegn hernaðarstuðningi við Úkraínu

• Landbúnaðarráðherra Úkraínu handtekinn
• Hernaðaraðstoð samþykkt – Vopnasendingar í vikunni
• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn

» Fleiri tengdar fréttir

• Blogga um frétt