Donald Trump Bandaríkjaforseti hefur með formlegum hætti byrjað að draga Bandaríkin út úr Alþjóðaheilbrigðismálastofnuninni og þar með hefur hann staðið við orð sín frá því í lok maí.
Bandarísk yfirvöld hafa staðfest þetta og tekur ákvörðunin gildi að fullu að ári liðnu, 6. júlí 2021, en það er lögbundinn frestur.
Trump hefur harðlega gagnrýnt Alþjóðaheilbrigðismálastofnunina og sakað hana meðal annars um að ganga erinda Kína. „Svo mörg dauðsföll hafa orðið vegna þeirra mistaka,“ sagði forsetinn meðal annars í apríl.
Bandaríska þingið fékk tilkynningu um það fyrr í dag. Frá þessu greinir öldungadeildarþingmaðurinn Robert Menendez á Twitter.
„Að kalla viðbrögð Trump við COVID kaótísk og ruglingsleg er of vægt til orða tekið. Þessi ákvörðun mun ekki vernda bandarísk líf eða hagsmuni – þetta skilur Bandaríkjamenn eftir veika og Bandríkin ein og yfirgefin,“ sagði hann í færslunni.
Congress received notification that POTUS officially withdrew the U.S. from the @WHO in the midst of a pandemic.
— Senator Bob Menendez (@SenatorMenendez) July 7, 2020
To call Trump’s response to COVID chaotic & incoherent doesn't do it justice. This won't protect American lives or interests—it leaves Americans sick & America alone.
Fréttin hefur verið uppfærð.