Stjórnvöld í Rússlandi segja að „upplýsingaóreiðuherferð“ vegna meintrar eitrunar stjórnarandstæðingsins Alexei Navalní sé ætlað að koma á nýjum refsiaðgerðum gagnvart Rússum. Þetta kemur fram í tilkynningu frá utanríkisráðuneyti Rússlands.
Tilkynningin er send út í kjölfar yfirlýsingar þýskra ráðherra um að allir möguleikar varðandi refsiaðgerðir verði skoðaðar vegna þess að eitrað hafi verið fyrir Navalní með taugaeitrinu Novichok.