Mikill eldsvoði braust út í byggingu stærsta bóluefnaframleiðanda heims fyrr í dag. Byggingin sem um ræðir hýsir stofnunina Serum og er staðsett í Indlandi. Myndir af vettvangi sýna mikinn reyk berast út um glugga byggingarinnar. 

Adar Poonawalla, forstjóri Serum, tjáði sig um brunann á Twittersíðu sinni eftir að útlit var fyrir að starfsfólkið hefði sloppið. Síðar kom þó í ljós að fimm létu lífið í brunanum. „Ég vil þakka öllum sem hafa beðið fyrir okkur. Mikilvægasta er að enginn hefur látið lífið eða slasast alvarlega vegna elsvoðans þrátt fyrir að nokkrar hæðir hafi brunnið.“

Umrætt fyrirtæki framleiðir mánaðarlega um fimmtíu milljónir bóluefnaskammta. Bóluefnið sem hjá þeim er framleitt er frá AstraZeneca og Oxford, en það er þó framleitt á öðrum stað á svæðinu. Ekkert hökt verður því á bóluefnaframleiðslu. 

Fólk stendur utan við bygginguna skömmu eftir brunann. AFP

Tengdar fréttir

Bólusetningar við Covid-19

„Það þarf að vinna mikinn fjölda upp“

• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“
• Ósennilegt að bólusetning orsaki tíðavandamál

» Fleiri tengdar fréttir

• Blogga um frétt