Christian Lindner, fjármálaráðherra Þýskalands, segir ríkið „vinna eins hratt og hægt er“ að því að treysta ekki á orku frá Rússlandi, það muni þó taka tíma. 

Frétt af mbl.is

Innflutt orka frá Rússum „nauðsynleg“

„Við þurfum að vera þolinmóð,“ sagði Lindner í viðtali við BBC. 

Annalena Baerbock, utanríkisráðherra Þýskalands, hefur hins vegar áður sagt að fyrir lok þess árs muni ríkið hætta að eiga í olíuviðskiptum við Rússland. Stuttu síðar yrði hætt að kaupa rússneskt jarðgas.

Volodymír Selenskí, for­seti Úkraínu, hef­ur sakað ríki Evr­ópu sem hafa haldið áfram inn­flutn­ing á rúss­neskri olíu um að „þéna pen­ing sinni á annarra manna blóði“.

Frétt af mbl.is

Kaupi rússneska olíu með „blóðpeningum“

Tekjur Rússa af sölu jarðgass og olíu eru um einn milljarður Bandaríkjadala á hverjum degi. 

Bandaríkjamenn hafa nú þegar sett viðskiptabann á rússneska olíu og Bretar áætla að hætta viðskiptum fyrir lok þessa árs. 

Evrópuríki reiða þó ennþá á rússneska orku. Í Þýskalandi kemur um 25% olíu frá Rússlandi og 40% jarðgass. 

Linder sagði við BBC að ríkið væri að vinna hörðum höndum að því að banna rússneska orku en að ákjósanlegar refsiaðgerðir myndu hafa meiri áhrif á Vladimír Pútín Rússlandsforseta en á Þýskaland. 

Hann sagði að ef farið væri of hratt í aðgerðirnar gætu þýskir framleiðendur orðið gjaldþrota.

„Þegar allt er uppi staðið viljum við ekki eiga í frekari viðskiptum við Pútín,“ sagði Linder. 

Tengdar fréttir

Úkraína

Kallaði Pútín „lygara, þjóf og morðingja“

• Æfingar vegna kjarnorkuvopna nálægt Úkraínu
• Selenskí á lista yfir eftirlýsta glæpamenn
• Gervigreindar-talskona tekur til starfa
• Sóttu harkalega að orkuinnviðum

» Fleiri tengdar fréttir

• Blogga um frétt