Stórslys í Evrópu af völdum geislunar hefði getað orðið í gær þegar kjarnorkuverið Zaporizhzhia í Úkraínu, sem Rússar hafa tekið yfir, aftengdist frá raforkukerfi landsins.

Volodimír Selenskí, forseti Úkraínu, greindi frá þessu.

Það var einungis fyrir tilstuðlan vararafstöðvar sem kjarnorkuverið gat starfað áfram með eðlilegum hætti, bætti hann við.

Eldar höfðu valdið skemmdum á raforkulínum sem höfðu ofhitnað og fyrir vikið slitnaði sambandið við raforkukerfið, að sögn BBC.

Loftmynd af kjarnorkuverinu. AFP

Auknar áhyggjur hafa verið uppi vegna bardaga í nágrenni við kjarnorkuverið, sem er það stærsta í Evrópu.

„Ef það hefði ekki kviknað á dísel rafölum, ef sjálfvirknin og starfsfólk okkar hefði ekki brugðist við eftir að allt varð svart værum við að takast á við afleiðingar slyss af völdum geislunar,“ sagði Selenskí.

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Orkumál eru helsti eldsmatur nútímahernaðar.
• Ingólfur Sigurðsson: Hættan á gjöreyðingu sjaldan verið meiri en á okkar tímum.