Tucker Carlson hættir hjá Fox

Einn vin­sæl­asti þátta­stjórn­andi sjón­varps­stöðvar­inn­ar Fox, Tucker Carl­son hef­ur nú sagt skilið við stöðina. 

Þessu grein­ir Guar­di­an frá. Ákvörðunin fylg­ir fast á hæla niður­stöðu meiðyrðamáls sem kosn­inga­fyr­ir­tækið Dom­ini­on Vot­ing Systems (DVS) höfðaði gegn fjöl­miðlasam­steypu Fox fyr­ir að halda því fram að for­seta­kosn­ing­un­um árið 2020 hefði verið stolið.  

DVS höfðaði málið gegn Fox fyr­ir að hafa leyft röng­um og mis­vís­andi upp­lýs­ing­um um stuld banda­rísku for­seta­kosn­ing­anna árið 2020 að grass­era á miðlum sín­um. Sættir náðust í málinu rétt áður en að réttarhöld áttu að hefjast og þurfti Fox að greiða DVS 787,5 milljónir dala í bætur eða um 109,7 milljarða króna.

Óvenjulegt að hann fái ekki kveðjuþátt

Frétt af mbl.is

Sættir í máli Fox News og Dominion

Í sönn­un­ar­gögn­um sem að DVS færðu fram máli sínu til stuðnings kom meðal ann­ars fram að á meðan að fréttamenn ýttu und­ir orðræðu Trump um stuld­ kosn­ing­anna þegar þeir voru á skjám landsmanna vísuðu þau þeim full­yrðing­um á bug við koll­ega sína. 

Frétt af mbl.is

Murdoch kemur ábyrgðinni yfir á fréttamenn

Carlson hélt því sjálfur fram að hann hataði Trump þegar hann ræddi við kollega sína en sýndi allt annað viðmót á skjánum.

Frétt af mbl.is

Sagðist hata Trump af ástríðu

Í tilkynningu frá Fox vegna brotthvarfs Carlson úr starfi kemur fram að um sameiginlega ákvörðun hafi verið að ræða. Carlson er þakkað fyrir sitt vinnuframlag og honum óskað velfarnaðar í framtíðinni. Athygli hefur vakið að í lok síðasta þáttar Carlson, sem sýndur var þann 21. apríl síðastliðinn kvaddi Carlson áhorfendur eins og hann yrði aftur mættur á skjáinn í dag, mánudag.

Þá þykir einnig óvenjulegt að Carlson hafi ekki fengið að kveðja áhorfendur sína með lokaþætti.

Carlson hefur unnið sem sjónvarpsmaður síðan árið 1995 og starfað á Fox frá árinu 2009. Hann hefur verið verulega umdeildur og stutt fjölda eldfimra ummæla Donald Trump en notið mikilla vinsælda meðal áhorfenda Fox.

• 1 blogg um fréttina

Bloggað um fréttina

• Wilhelm Emilsson: Herra Carlson og herra Murdoch