Kominn í hendur Bandaríkjamanna

Travis King, bandaríski hermaðurinn sem hljóp yfir landamærin til Norður-Kóreu, er kominn í hendur Bandaríkjamanna í Kína. Stjórnvöld í Bandaríkjunum staðfesta þetta.

Norður-Kóreski ríkisfjölmiðilinn KCNA greindi svo frá fyrr í dag að stjórnvöld ætluðu sér að vísa honum úr landi en ekki var ljóst hvenær eða hvernig.

Frétt af mbl.is

King verður vísað úr landi

Hinn 23 ára King hefur verið í haldi í Norður-Kóreu frá því að hann hljóp ólöglega yfir landamærin frá Suður-Kóreu.

Óljóst er hvernig ástand Kings er eftir vistina í Norður-Kóreu.

King hefur verið í bandaríska hernum síðan 2021. Var hann í verkefni í Suður-Kóreu þegar hann var handtekinn sakaður um líkamsárás. Losnaði hann úr fangelsi þar í landi 10. júlí og nokkrum dögum síðar var hann í hópi ferðamanna með leiðsögumanni þegar hann ákvað að hlaupa yfir landamærin.

KCNA sagði að stjórnvöld í Norður-Kóreu hefðu yfirheyrt hann og sögðu að hann hefði flúið úr hernum vegna ómannúðlegrar framkomu hersins og kynþáttafordóma.

• Blogga um frétt