Íslensk liðskona Pussy Riot eftirlýst
Setja bókamerki
Rússneskur dómstóll hefur gefið út handtökuskipun „in absentia“ á hendur liðskonu andófshópsins og hljómsveitarinnar Pussy Riot, Lucy Shtein. Shtein hlaut íslenskan ríkisborgararétt fyrr á árinu.
Héraðsdómur í Basmanny-héraði í Rússlandi, úrskurðaði Shtein í tveggja mánaða gæsluvarðhald í fjarveru hennar uns hún verði framseld eða snúi aftur til Rússlands, samkvæmt The Moscow Times.
Shtein er ákærð fyrir að dreifa falsfréttum um rússneska herinn og athæfi hans í Úkraínu. Talsmaður dómstólsins, sem ekki vildi láta nafn síns geta, sagði Shtein vera eftirlýsta á alþjóðavísu, í samtali við rússneska miðilinn.
Á tíu ára fangelsisdóm yfir höfði sér
Dreifing á „röngum upplýsingum“ um rússneska herinn er refsiverð samkvæmt rússneskum ritskoðunarlögum og getur hver sá sem gerist sekur um slíkt átt tíu ára fangelsisdóm yfir höfði sér.
Pussy Riot-sveitin er þekktust fyrir mótmæli sín gegn Vladimír Pútín, Rússlandsforseta, árið 2012, en þá truflaði hópurinn messu sem fór fram í Kristskirkjunni í Moskvu með pönktónlist og berum brjóstum. Frá því að innrás Rússa inn í Úkraínu hófst hefur hópurinn harðlega gagnrýnt rússnesk stjórnvöld.
Shtein flúði landið ásamt kærustu sinni Mariiu Alekhina, forsprakka Pussy Riot. Alekhina flúði landið með aðstoð íslenska listamannsins Ragnars Kjartanssonar, en Shtein flúði dulbúin sem skyndibitasendill.
/frimg/6/76/676449.jpg)
Strand skemmtiferðaskips kallar á erlenda aðstoð
/frimg/1/48/74/1487454.jpg)
Heldur inn í nóttina tuttugu kílóum léttari
/frimg/1/29/32/1293273.jpg)
Ekki af baki dottinn og ætlar að opna B5 aftur
Frambjóðendur skila inn listum í Hörpu
Skaut sex sinnum að feðginum á aðfangadagskvöld
Nemendur í HÍ reistu tjaldbúðir án leyfis
Mál hjúkrunarfræðingsins fer aftur fyrir héraðsdóm
Rothissa á vinnubrögðum forystu BÍ