Biðjast afsökunar vegna talídómíðs

Áströlsk stjórnvöld hafa beðist afsökunar vegna lyfjahneykslis í landinu frá sjötta og sjöunda áratug síðustu aldar.

Hneykslið tengist „undralyfinu” talídómíð sem átti að hjálpa ófrískum konum við að komast hjá morgunógleði. Síðar kom í ljós að að lyfið olli einnig alvarlegum fæðingargöllum.

Frétt af mbl.is

Konan sem bjargaði Bandaríkjunum frá thalidomide

Talið er að lyfið hafi skaðað yfir 10 þúsund börn víðs vegar um heiminn áður en það var tekið af markaði á sjöunda áratugnum.

„Allir Ástralar sem hafa orðið fyrir skaða af völdum talídómíðs allt til dagsins í dag eru beðnir afsökunar,” sagði Anthony Albanese, forsætisráðherra Ástralíu, á þingi landsins.

„Í dag segjum við loksins, fyrirgefðu.”

Frétt af mbl.is

Frumkvöðull fallinn frá

Hann bætti við að afsökunarbeiðnin tengdist einum dekksta kafla í læknasögu Ástralíu.

Bresk stjórnvöld báðust einnig afsökunar vegna lyfsins árið 2010. 

• Blogga um frétt