Vísa ásökunum ekkjunnar á bug
Setja bókamerki
Rússnesk stjórnvöld hafa vísað á bug ásökunum ekkju stjórnarandstöðuleiðtogans Alexeis Navalní, sem lést í fangelsi í síðustu viku, um að Vladimír Pútín Rússlandsforseti standi á bak við dauða hans.
„Að sjálfsögðu eru þetta ruddalegar ásakanir sem eru algjörlega úr lausu lofti gripnar gegn yfirmanni rússneska ríkisins. En ef ég tek með í reikninginn að Júlía Navalnaja varð ekkja fyrir nokkrum dögum síðan ætla ég ekki að tjá mig frekar,” sagði Dmitrí Peskov, talsmaður Kremlar.
Peskov vísaði einnig á bug kröfu Evrópusambandsins um „alþjóðlega rannsókn” á dauða Navalnís eftir að Navalnaja ræddi við Josep Borrell, utanríkismálastjóra Evrópusambandsins.
„Við hlustum ekki á slíkar kröfur almennt séð, hvað þá frá herra Borrell,” sagði Peskov.
Spurður út í þann fjölda fólks sem hefur verið handtekinn á minningarathöfnum um Navalní síðustu daga sagði Peskov að lögreglan væri einfaldlega að framfylgja lögum.
Hægist á eftir mikinn uppgang
/frimg/1/48/82/1488234.jpg)
Aðeins níu meðmælendur í öðru framboðinu
Óásættanlegt hversu langan tíma viðræður hafa tekið
„Þakklátur að hanga í toppsætunum“
Ökuníðingur enn í haldi – „Mildi að ekki fór verr“
/frimg/1/48/83/1488353.jpg)
Hugsaði fyrst um einmanaleika og innilokun
„Eigum eftir að sjá miklar sviptingar“