Stenst Biden læknisskoðun?
Setja bókamerki
Joe Biden, forseti Bandaríkjanna, fór í sína árlegu læknisskoðun á Walter Reed-hersjúkrahúsinu í Washington-borg fyrr í dag en þar var bæði líkamleg og andleg heilsa forsetans rannsökuð.
AFP greindi frá því að Hvíta húsið myndi svo síðar í dag greina frá niðurstöðum skoðunarinnar.
„Ég er að fara til Walter Reed í tékk,“ sagði hinn 81 árs gamli Biden við fréttamenn þegar hann yfirgaf Hvíta húsið í þyrlu.
Kjósendur áhyggjufullir
Þá hafa áhyggjur kjósenda vegna heilsufars og aldurs Biden aukist en ef hann nær endurkjöri í kosningunum í nóvember verður hann orðinn 86 ára þegar því kjörtímabili lýkur.
Hefur heilsa forsetans verið í sviðsljósinu að undanförnu og ekki síst eftir að skýrsla sérstaks ráðgjafa sýndi fram á að Biden væri bæði orðinn aldraður og gleyminn. Þykir sú skýrsla gefa keppinautum hans byr undir báða vængi og gera Biden að skotmarki.
Biden svaraði hins vegar fyrir sig á blaðamannafundi í Hvíta húsinu þar sem hann sagði að minni sitt væri fínt og gagnrýndi hann þennan ráðgjafa fyrir að halda því fram að hann gæti ekki munað hvenær sonur hans, Beau, lést úr krabbameini.
Betri en Trump
Sjálfur gerði Biden góðlátlegt grín að aldri sínum í viðtali við þáttastjórnandann Seth Meyers í vikunni þegar hann sagði að hann væri að minnsta kosti betri kostur en hinn forsetaframbjóðandinn, hinn 77 ára gamli Donald Trump, sem væri aðeins nokkrum árum yngri en hann.
Í læknisskoðuninni í fyrra fékk Biden góðar niðurstöður, þrátt fyrir að hann hafi látið fjarlægja krabbamein í húð úr brjósti sínu.
Norskur lögreglumaður dæmdur
Breytingar á skipulagi fréttadeildar RÚV
Kaldasti veturinn kom að óvörum
Bergnuminn í Hvalfirði
Strand skemmtiferðaskips kallar á erlenda aðstoð
Vonast til að tjaldbúðir við HÍ standi áfram
/frimg/1/29/32/1293273.jpg)
Ekki af baki dottinn og ætlar að opna B5 aftur