Tveir 22 ára karlmenn hafa fundist látnir á Arqitsoq-svæðinu í Nuuk á Grænlandi eftir að snjóflóð féll þar í gærkvöldi.
Mennirnir höfðu verið þar á vélsleða.
Í tilkynningu grænlensku lögreglunnar á Facebook kemur fram að lífgunartilraunir á staðnum hafi ekki borið árangur. Ekki er talið að fleiri hafi verið á ferðinni og hefur leitinni sem hófst í gærkvöldi því verið hætt.
Miðstöð var sett upp í slökkviliðsstöðinni í Nuuk þar sem fólk gat fengið áfallahjálp.